sábado, 19 de mayo de 2018

SÁBADO 19 de MAIO do 2018

Unha semaniña máis con todos vostedes. Hoxe temos a visita de Manoel Carrete, que ven acompañado de moitos amigos. Agradecémoslle a súa amable atención. Como cada semana aquí vos deixamos o "link" para que poidades vernos e escoitarnos en directo: https://www.facebook.com/SemprenGalicia/videos/1697283797017813/ Conectamos con Galicia para falarmos co noso correspondente nas Rías Baixas, XULIO SIMÓN, que nos ten preparada a participación de don MARCOS MACEIRA, Presidente da Mesa pola Normalización Lingüística, que nos falan da celebración da "Letras Galegas en Santiago" e doutras reivindicacións arredor da nosa lingua galega. Xulio remata a súa intervención cunha pequena alusión a María Victoria Moreno, homenaxeada das Letras este ano.

Aproveitamos a presenza de MANOEL CARRETE nos estudos e agradecémoslle a súa presencia a sí como a súa participación neste noso programa. Fálanos da súa presenza na celebración das Letras Galegas no Saló de Cent, preséntanos á Secretaria da Federación das Entidades Galegas en Cataluña, dona Marisol Pérez Estévez, e comentamos algunhas cousas máis con algún dos asistentes. Despedímolos con música e unha forte aperta.

A segunda conexión é coa Baixa Limia, onde se atopa o noso correspondente XOSÉ LAMELA, que nos presenta ao seu convidado don DOMINGO GONZÁLEZ LORENZO, "Chef" no Restaurante do Hotel-Balneario de Lobios-Caldaria. Unha conversa-entrevista chea de importantes propostas e ideas para desenvolver e traballar a prol do Parque Natural do Xurés, coas que están traballando nas diferentes asociacións e Comunidades de Montes (Reserva Mundial da Biosfera Xurés-Gerés). Agradecémoslle a súa amable atención.

Despois falamos con ALEX PERNAS, que acaba de publicar a súa primeira novela XARFAS, da que nos fai unha pequena semblanza e indícanos cómo poder adquirila (en Amazón) ou baixala de internet, nunha páxina que se pode consultar no seu propio facebook ou en luscofusco.gal. Desexámoslle moitos éxitos.

Antes de despedirnos atrevémonos a ler unha das últimas poesías que publicou NIEVES FERNÁNDEZ VIDUEIRA, como pequeno agasallo final das Letras deste ano. 

E despedímonos de todos vosoutros, escoitantes e seguidores, ate a vindeira semana, que prometemos voltar outra vez con máis novidades e máis música. ¡Sexan Felicies!

sábado, 12 de mayo de 2018

SÁBADO 12 de MAIO do 2018

Comezamos un programiña máis con todos vostedes dándolles a ben-vida e desexando pasen connosco dúas horiñas de radio en galego, entretidas e interesantes.
Aquí podedes escoitar o programa en directo, e vernos nos estudos: "Semprengalicia"
A primeira comunicación é co noso correspondente na Baixa Limia, don Xosé Lamela Bautista que nesta ocasión tennos preparada a intervención, como convidado a don FRANCISCO JOSÉ FRAGA CIVEIRA, portavoz da oposición na Deputación de Ourense. Comezamos falando da Demografía e repasamos varios aspectos da situación social e actual naquelas contornas. Agradecémoslles a súa aportación na emisión de hoxe, e prometémonos voltar a comunicarnos, en vindeiras datas, para que nos sigan informando e ilustrando sobre tantas cousas interesantes.


A segunda intervención é a da nosa moi estimada colaboradora TAMARA ANDRÉS, que se encarga da sección "No ESTRELAMPAR". Felicitámola pola laboura que está a facer nese "Combarro Literarios" e outras actuacións tan interesantes. Fálanos da presentación na Libraría Paz, do Concerto con Oscar Ibáñez no Auditoria de Arousa, dos Camiños da Lingua por Vilaboa, da Festa do Melindre en Melide... e moitas cousas máis. ¡Moitas grazas!


Despois poñémonos en contacto co noso correspondente nas Rías Baixas, XULIO SIMÓN, que nos presenta ao convidado desta semana don ELADIO RODRÍGUEZ, da Adega "Arco da Vella", en Beade, da D.O. Ribeiro. Coméntanos moitas cousas relacionadas cos seus viños e coa cultura.


A seguir, despois de escoitar un bocadiño de música, falamos con don ANTONIO RODRÍGUEZ, Presidente da "Irmandade Galega O Noso Lar de Terrassa", que están de celebración, nada menos que a "36 Festa Galega en Terrassa". Aproveita para convidar aos nosos oíntes e seguidores.


Tamén nos poñemos en contacto con dona AMELIA, Presidenta de "AGARIMOS" de Badalona, que nos fala dende Lleida, onde se atopa o Grupo de Baile e Gaitas actuando para o Centro Galego, que están de Festa Major, e salvando as inclemencias do tempo coméntanos da grande admiración e espectación que desperta a oferta musical galega que ofreceron. Tamén nos indica que estemos preparados e convídanos para asistir á Festa anual que celebrarán a vindeira fin de semana do 26 e 27 de MAIO en Badalona, que ademais será presentada polo noso compañeiro Armando Fernández. Despedímola e tamén nos despedimos nós de todos vostedes, ate a vindeira semana. ¡Sexan Felices!

sábado, 5 de mayo de 2018

SÁBADO 5 DE MAIO DO 2018

Un sábado máis con todos vosoutros para tentar ofrecerlles dúas horiñas de radio en galego. Xa sabedes que podedes escoitarnos e "vernos" en directo no seguinte enderezo de facebook: "Semprengalicia". A primeira comunicación é coa Baixa Limia, para falar co noso correspondente XOSÉ LAMELA, que nos ten preparada a participación de don LUÍS GARCÍA MAÑÁ. Falamos en primeiro lugar do seu libro: Por que as sombras non teñen ollos. E despois continuamos a conversa-entrevista comentando outras cousas moi interesantes.

A segunda intervención é a dese grande escritor, profesor e crítico literariio ARMANDO REQUEIXO, que nos fala dese acontecemento, un acto que se está a celebrar no Pazo de San Roque en Compostela, tan interesante adicado a María Victoria, homenaxeada nas Letras Galegas deste ano, e do que nos fai partícipes. Graciñas Armando.

Despois conectamos con don XOSE LUIS AXEITOS, a quen felicitamos públicamente por ter acadado o premio "Losada Diéguez" polo seu traballo sobre a figura de Manuel Antonio. Falamos deso e da recente publicación do 2º número da revista Follas Novas da Fundación Rosalía de Castro.

E no final do programa conectamos co noso Poeta da Mariña Luguesa, PACO RIVAS, que sempre ten unha visión moi especial das "súas cousas" galegas do momento. Tamén nos agasalla cuns "haikús" da súa autoría, que lle agradecemos.

A vindeira semana máis. Desexamos que sexan moi felices e ate o vindiero sábado.

sábado, 28 de abril de 2018

SÁBADO 28 de ABRIL do 2018

Outra emisión con todos vostedes tentando levar adiante este programiña de dúas horas en galego. Hoxe dámoslle a ben-vida a MANUEL RODRÍGUEZ JULIÁN, que nos honra coa súa compaña. Despois dos saúdos pertinentes conectamos con Galicia para falarmos con don MODESTO LUÍS GÓMEZ, que nos comenta parte da súa traxectoria e da súa publicación "32 Grados. Objetivo: Emprender". Descríbenos un chisco de qué vai ese traballo e agradecémoslle a súa participación no noso programa.


A segunda intervención é a de LAURA SANTOS, compoñente do noso equipo, que hoxe fainos de correspondente e infórmanos dos diversos actos que realizaron e que teñen previsto realizar na Asociación Cultural Galega "Airiños da Nosa Galicia de Santa Coloma de Gramenet". Para a vindeira semana do 4, 5 e 6 de Maio Festa do 35 Aniversario da Entidade. Agradecémoslle a súa comunicación e convite para que asistamos a ese grande acontecemento.


Despois de escoitar un chisco de música, conectamos novamente con Galicia para falar con RODRIGO ROMANÍ, Grande Mestre, Profesor de Música e varios instrumentos, e Director responsable da E-TRAD de Vigo, que ven de presentar o seu ultimo CD, que leva por título "FIOS DE OURO NO AR". Agradecémoslle que nos informara deste traballo tan interesante e que pronto lle ofreceremos á nosa audiencia.


Na segunda hora sempre temos o pracer de conversar co noso correspondente XULIO SIMÓN RÚA, que hoxe tennos preparada a participación de don XULIO NOIA LISTE,  un dos responsables da celebración e "Festa do Banquete de Conxo". Unha verdadeira clase maxistral relacionada coa nosa historia de Galicia. ¡Gracias a estes dous Xulios que nos fixeron aprender moitas cousas importantes!


Antes de finalizar aproveitamos para comentar algunhas cousas co noso acompañante de hoxe, MANUEL RODRÍGUEZ JULIÁN, co que compartimos estas dúas horas de emisión e aproveitamos para que nos comente algunha cousas sobre o "Teatro" na Entidade.


E para reamtar o programa de hoxe conectamos novamente con Galicia para manteer unha pequeniña conversa co noso Poeta da Mariña Luguesa, PACO RIVAS que sempre ten unha lectura moi feiticeira coa que nos agasalla o final da súa intervención.


Desexamos que teñan unha feliz semana e que sigan sintonizándonos. Ate o vindeiro sábado.


sábado, 21 de abril de 2018

Sábado 21 de ABRIL do 2018

Unha semaniña máis con todos vosoutros. Xa saben que a nosa emisión poden escoitala e "vernos" en directo no seguinte enlace: "Semprengalicia". Comezamos dándolles a ben.vida e ofrecéndolles escoitar unha peciña de música mentres nos poñemos en contacto co noso correspondente na Baixa Limia, Xosé Lamela, que nos ten preparada a intervención de don Oscar Pereiro, Inxeñeiro Forestal que pertence ao equipo que elaborou un estudo medioambiental relacionado cos Parques Naturais de Galicia e aproveitamos para manter unha conversa con eles. Agradecémoslle a súa participación.

A segunda intervención é a da nosa amiga e colaboradora Tamara Andrés, coa súa sección "No Estrelampar", que despois de varias emisións sen poder contactar con ela, hoxe fainos unha pormenorizada intervención chea de novidades e fermosas actuacións. ¡Graciñas!

Despois voltamos a conectar con Galicia, concretamente con Manoel Carrete, que dende o Concello de Castro Caldelas fainos unha descrición da súa nova etapa e responsabilidade relacionada coa Emigración, concretamente a posta en marcha do "Museo da Emigración" no que está a traballar para poder inauguralo no verán posiblemente. Tamén nos informa da inauguración doutro Museo no Concello de Castro Caldelas. Falamos tamén con don Xurxo López Quiroga, Comisario da excelente Exposición "In Tempore Sueborum". Agradecémoslle a súa amable atención e aproveitamos para saudar e felicitar á Dona Sara Inés, Alcaldesa de Castro Caldelas, que tamén nos dedica unhas palabriñas no noso humilde programa. Esta entrevistra énchenos de honra e satisfacción, polo seu contido e pola participación de tan ilustres persoeiros. ¡Gracias!

E rematamos o programa de hoxe con algunhas informacións referentes ás diversas "Festas Galegas" que xa están preparando algúns dos Centro Galegos e despedímonos ate a vindeira semana.

sábado, 14 de abril de 2018

SÁBADO 14 de ABRIL do 2018

Comezamos a emisión dándolles a benvida e saudando a tódolos nosos oíntes e seguidores, en especial aqueles que nos envían as súas salutacións mediante Internet, concretamente dende Avellaneda (Bos aires) e tamén dende Suiza. ¡Grazas por escoitarnos e seguirnos. Xa saben que nos poden escoitar e ver en directo neste enderezo: "SEMPRENGALICIA". A primeira comunicación é co noso correspondente na Baixa Limia XOSÉ LAMELA, que nos ten preparada a intervención de don DAVID PÈREZ, Arqueólogo e gran coñecedor daquela zona. Falamos da próxima inversión dunha certa cantidade importante de €uros (1.000.000 de €uros) para amañar o entorno da capela visigótica de Santa Comba de Bande, así como doutros aspectos interesantes que se deberían poñer en valor.

Damos cumprida información dun acto a realizar na UAB prevista para do día 24 de Abril: Con motivo da celebración do Sant Jordi, os estudos de galego e vasco da Universitat Autònoma de Barcelona(UAB) organizamos un encontro, a xeito de conversa distendida, entre Suso de Toro, escritor galego de longa e recoñecida traxectoria, e o autor vasco Iban Zaldua. Será o martes 24 de abril, ás 13hna Sala Teatre da UAB (Plaça Cívica, Bellaterra, Cerdanyola del Vallès). 

Falamos con don Oliver Fernández, Presidente da A.C.G. Rosalía de Castro, que con motivo da celebración da "Festa do Polbo" que tiñan prevista para esta fin de semana, tivo que suspenderse debido ás inclemencias do tempo, e aplazouse. Informarase con detenemento en vindeiras datas. Aproveitou para informarnos de diversas actividades e actuacións e adiantaounos as previsións para a "Festa Galega de Can Mercader" os días 1, 2 e 3 de xuño, no que destacou a actuación de Susana Seivane.

Despois conectamos co noso correspondente nas Rías Baixas, concretamente Combarro. XULIO Simón preséntanos a don FRANCISCO PAZOS MARTÍNEZ, Escultor nado en Cobas (Meaño). Conversamos con eles e así sabemos algo máis deste grande artista modelador da pedra, da madeira e do metal, cunha grande producción e creación artística.

Agradecémosvos a vosa atención e desexamos que sigades escoitándonos. Ate a vindeira semana.

sábado, 7 de abril de 2018

Sábado 7 de Abril do 2018

Comezamos un programa máis, de dúas horiñas de radio en galego, dándolles a benvida e desexando que sexa agradable para todos vostedes. Escoitamos unha peza do ultimo CD de XABIER Díaz e Adufeiras de Salitre: NORÓ, para comunicarnos inmediatamente co noso correspondente na Baixa Limia XOSÉ LAMELA, que nos presenta ao contertulio que ten como combidado hoxe: don SERXIO SILVA BAUTISTA, Biólogo e investigador na Estación de Hidrobiolóxia "Encoro de Con", da Universidade de Santiago de Compostela. Mantemos unha conversa chea de información, moi interesante, que se converte en clases específicas sobre especies singulares e moi especialmente relacionadas co Pai Miño. Agradecémoslle a súa aportación. Podedes escoitar e ver, en directo o noso programa neste enlace: "Semprengalicia"

Seguimos o programa tentando ofrecerlles unha pequena mostra do traballo de XABIER Díaz e Adufeiras de Salitre, que nos chegou á Redacción e propoñemonos escoitar e disfrutar cos nosos oíntes e seguidores. Agardamos que sexan do seu agrado.

A seguinte conversa é con don HORACIO GIL, Alcalde do Excmo.Concello de ARBO, que están a piques de celebrar a LVIII FESTA da LAMPREA, para que nos poña ao corrente das diferentes actividades e pormenorizanos, un pouco polo miúdo algunhas das couss que se poderán disfrutar os días 27, 28 e 29 de Abril próximos, si se achegan a esa capital da lamprea, que é Arbo.

Na segunda hora, conectamos co noso correspondente nas RÍAS BAIXAS, XULIO SIMÓN RÚA, que nos ten preparada a participación de don FERNANDO BELLO, que imparte clases de Horticultura Ecolóxica. Un grande Profesor ao que escoitamos con moita atención para aprender das moitas suxerencias e ensinos relacionados coa boa práctica da horticultura. Prometémonos voltar a conectar con el e seguir aprendendo das súas clases prácticas. E despedímonos ate a vindeira semana.

SÁBADO 19 de MAIO do 2018

Unha semaniña máis con todos vostedes. Hoxe temos a visita de Manoel Carrete , que ven acompañado de moitos amigos. Agradecémoslle a súa am...